मेरा हाइकुहरू

हाइकुकारहरू सहज ढंगले कुनै पनि विषय ज्ञानमाथि झड्का हान्ने काम गर्दछन् । छोटो अभिव्यक्तिमा पूर्ण काव्यिक भार पस्कँदै जीवन र जगतका विसंगति हरूमाथि प्रहार गर्न खप्पिस हुन्छन् । तर म भने कुनै हाइकुकार हैन । न त मैले कुनै साहित्यक विधा नै बुझेको छु । तै पनि हाइकु कै शैलीमा केही पंक्तिहरू प्रस्तुत गर्ने जमर्को  गरेको छु । मूल्याङ्कन गर्ने जिम्मा हजुरहरू कै ।

१. सर्वहाराका
    नेता भनाउने नै
    खरबपति ।

२. प्रजातान्त्रिक
    भनाउनेहरू नै
    त्यसका शत्रु ।

३. कसरी बन्छ
    यो पाराले देश त
    कुरा नै मात्रै ।

४. भ्रष्टाचारले
    मुलुक नै डुबेर
    समाप्त भयो ।

५. भ्रष्टलाई त
    कारबाही गर्दा नि
    उल्टै गर्जन ।

६. भूतपूर्वले
     लिंदैछन् धमाधम
    विलासी सुख ।

७. सोझा जनता
    दलहरूका दास
    के भन्न सक्थे ?

८. दासत्वबाट
    मुक्ति नपाएसम्म
    यस्तै नै हुन्छ ।

                - यज्ञकुमार निरौला